Ekitaldi nagusia erakusketa bat izanen da;
arte pobrea- (eta copyleft-) erakusketa, partaideek beraiek autogestionaturik
parte hartzeko erakusketa, artiston zein hiritarron ekarpen guztiei zabal-zabalik
talde-erakusketa anonimoa, artisten eta erakunde partehartzaileen izenik gabekoa
partaidetza-tailerretan eta esperientzian oinarritutako erakusketa, nafarrak bake prozesuan inplika daitezen

Topaketa honetan, zenbait artelan, instalazio, testu eta material eskuragarri izateaz gain, bilerak, partaidetza-tailerrak, irakurraldiak eta musika-emanaldiak eskainiko dira, besteak beste. Den-dena ArtamugarriaK-en web-orrian jasoko da.

Topaketa/Erakusketa hau hiritarrok bake prozesuan parte har dezaten AMK-k 2006an abian jarri zuen Pax Avant! kanpainaren burua izanen da, autonomi- eta udal-hauteskundeekin batera gertatuz.

Asmoa dugu bake-prozesuaz arduratutako artistok, elkarteek, erakundeek eta hiritarrok bake prozesuaren eta honexetan Nafarroari dagokion eginkizunaren gaineko ikuspuntuak eskain ditzatela.

Hausnarketan, imajinazioan eta umore kritikoan oinarritutako artamugarri ar/ktibista honen sorkuntza, AMK-ren ikurra dena.

Parte hartzeaz interesatuak dauden eta gonbiterik jaso ez duten Nafar eta Nafarroatik kanpoko kolektiboak ArtamugarriaK-ekin harremanetan jar daitezela haien ekarpenak igor edota aurkez diezazkiguten.

Datak (2007ko maiatza-zehazteke)

Lokala (zehazteke)

Partaidetza-erak (behin behinekoa)
Markorik gabeko paper, oihal edo plastiko gaineko irudiak (zehaztu gabeko neurriak)
Instalazio iragankorrak (zehaztu gabeko espazioa)
Bideo-artea – DVD-kopia (copyleft)
Zenbait material: liburuak, aldizkariak, fotokopiak, kartelak, etab.
Performance eta ekintzak
Musika-emanaldiak
Tailerrak
Testuak –orri bat– (gehienez 5000 karaktere, tarteak barne)

Adi! Arte Pobrea-erakusketa autogestionatua duzu hauxe:
-artelanak gai iragankor edo pobreez (balio materialik gabekoez) osatu behar dira
-artelan edo instalazio bakoitzaren muntaia eta desmuntatzea nor bere ardurapean daude
-instalazioak AMK-rekin bateratu behar dira
-ez dago artelan-jasotzerik ezta asegururik ere
-irudi guztiak copyleft izanen dira, creative commons baimenpean (AMK-ren orriaren baimen bera)

Erakusketaren etorri-iturria:
Arte txiro-politiko-artibistaren eredu den Tomas Hirschhorn-en “Swiss Swiss Democracy”.

Artelan eta testuetarako proposatzen diren kontzeptuak

Erakusketaren izenburuari dagozkion zenbait:
1-Nafarroa, martxan dagoen bake-prozesua abiapuntu, bere nortasun eta etorkizuna bir-definitzeko prozesuan
2-Nafarroari eta bere arazoei prozesu (kritikoa)
3-talde-prozesu artistiko/sortzaile bezala
4-Pax Avant!-en aldeko apustua

Balizko gaiak
bakea, bake-prozesua, bortizkeria, partaidetza, Nafar ikurrak eta ikonografia, lurraldea, nortasun-ezaugarriak, aniztasuna, Nafar kultura, Nafar politika, Nafarroako demokrazia, Nafarroako arazoak, Nafarroari buruzko bestelako erakusketak, etab.

Parte hartzeko baldintzak
-ArtamugarriaK-en Agiria bereganatzea
-Topaketa/Erakusketan proposatzen diren gaietan aritzea
-zehazten diren betebehar teknikoak onartzea

Artamugarriak-ek gonbidatutako edo AMK-rekin bat dagiten artelan eta proiektuek lehentasuna dute.
Erakusketa-gelaren edukiera nolakoa den, ondoren igorritako artelan eta proiektuak ere barne sartuko dira.